Секој од нас во својата куќа, стан, компјутер или автомобил има вградено по некое парче алуминиум. Од самиот факт што наоѓа примена во најразлични области од човековото живеење, може да се заклучи дека станува збор за метал кој има мошне широк спектар на корисни карактеристики. Без сомневање, секој од нас може да го препознае и да го издвои алуминиумот од другите метали кога тој е вграден во некој уред. Една од најкарактеристичните особини по која луѓето го препознаваат алуми-ниумот е неговата мала тежина и светлата сребрена боја која ја поседува. Овие две особини се едни од најдобро познатите карактеристики на алуминиумот, но се разбира, не се и единствени. Затоа во овој текст ќе се обидеме да го доближиме овој метал одблиску, разоткривајќи неколку погрешни гледишта кои кружат во врска со овој метал, а потоа ќе ја презентираме постапката за негова антикорозивна заштита - елоксирање, со посебен осврт на нејзината изведба во домашни услови.