На пазарот, а особено на интернет се нудат мноштво додатоци за вградување во автомобилите по нивната продажба (after market). Значи, тие додатоци не ги вградува производителот на автомобилот, туку разни фирми ги произведуваат, ги продаваат и ги вградуваат рекламирајќи ги како уреди коишто ги подобруваат карактеристиките на автомобилот. Некои од таквите додатоци се обична шминка, некои се безопасни, некои се сосема непотребен додаток, а други се корисни во некои аспекти од нивното функционирање. Истовремено, поради погрешното рекламирање, во некои негови одделни сегменти можат да донесат сосема погрешни и опасни заклучоци и крајно опасни практични дејствија според истите тие заклучоци. Токму на еден таков додаток ќе биде посветен овој напис.