Многумина мислат дека среќата се наоѓа во материјалните нешта и автентично веруваат дека би биле неспоредливо посреќни кога би имале подобри услови за живот, нов автомобил, поголема куќа, подобро платена работа... Сите ние очекуваме случувања кои ќе го изменат нашиот живот на подобро. Меѓутоа, постојат голем број психолошки експерименти со кои е докажано дека сите добитници на седумка на лото, по почетната еуфорија, се вратиле на своето претходно ниво на среќа, односно биле исто толку среќни како и пред тоа. Неизмерната среќа не ја донесуваат ни големиот успех во кариерата, ни функционалниот брак, ни децата, ни добивањето премија на лотарија, ниту што било друго од материјална природа. Сите тие се само влезници за среќа.