Персоналните компјутери денес се сè поприсутни во секој дом. Многумина PC-то главно го користат за сериозни работи додека некои од нив главно за играње на познатите игри. Но понекогаш и оние првите седнуваат на компјутерот за да се релаксираат со некоја игра. За таа намена многу подобро е да поседуваме посебен уред за контролирање на саканиот јунак од играта отколку да ја користиме тастатурата. Денеска постојат многу голем број на уреди кои ја имаат оваа функција. Почнувајќи од одамна познатите дигитални палки за играње популарно наречени џојстици од англискиот збор "joystick" кои се користеа на одамна заборавените "Spectrum 48", "Commodore 64" и "Amiga" компјутери, па сè до многу подобрите аналогни палки со додаток на посебни педали за љубителите на формула 1, можат да се сретнат цела палета на различни контролери. Меѓу нив спаѓа и контролерот кој е наречен џојпад од англискиот збор "јoypad", за кој во овој напис е дадена и една практична изведба.