Да се направи квалитетен РФ модулатор и не е баш лесна задача. Се работи за изработка на уред чие работно подрачје е во областа на UHF (Ultra High Frequency - ултра високи фреквенции), притоа треба да поседува задоволителни карактеристики - стабилна фреквенција и квалитетна слика. Има многу решенија за изработка на РФ модулатори, но ретко кое од нив е квалитетно. Едно од решенијата за изработка на едноставен и воедно релативно квалитетен РФ модулатор е прикажано во следниов текст. Рф модулаторот од овој текст е едноставен за изработка така што лесно може да се искористи за модулирање на некој видео сигнал и негово транслатирање во областа на радиофреквенциите. Сигурно ќе ви се најде при рака при конструирањето на некој бар-генератор, видеоигра или како мал ТВ-предавател за пренос на видеосигналот од вашиот видео рикордер до блиските ТВ-приемници.