Ако веќе имате мини дупчалка или пак планирате да набавите и сакате да ја користите за нешто повеќе од едноставно дупчење дупки, ова е вистинскиот напис за вас. Од многу гледишта, таа е идентична со нејзиниот поголем комплемент, иако на прв поглед основниот кит на мини дупчалката може да изгледа недоволно сериозно. Нека не ве залаже оваа првична импресија бидејќи мини дупчалката со сите додатоци е сериозна алатка која ќе ви овозможи реализирање на различни задачи и проекти. Почнувајќи од овој број, ќе се обидеме да ве запознаеме со мини дупчалката, сите додатоци, можностите кои ги нуди и ќе ви претставиме неколку едноставни проекти.Повеќето сопственици на мини дупчалки веројатно веќе ги имаат сите елементи од основниот хоби кит, кој најчесто се состои од мини дупчалка, исправувач за напојување со струја и разни додатоци - алатки кои можат да се користат со неа.