Во што се состои значењето на биолошката разновидност? Каква е состојбата со сочуваноста на нејзините основни компоненти? Најзначајната функција на биолошката разновидност (биодиверситѕ) е продолжување на еволутивниот развој и одржување на трајниот систем на животот на биосферата. Исто така таа е важна за развојот и продукцијата на биоресурсите, а со тоа и развојот на економските, социјалните и еколошките вредности. Културната компонента се состои во блиската традиционална зависност на човековите заедници кои на традиционален начин ги користат биолошките ресурси, но и создаваат културна ризница со знаење, искуства и нивно пренесување на идните генерации. Знаењето е тесно поврзано со развојот на науката преку истражување на природните и создадените екосистеми.