Навистина е несфатливо зошто во Македонија не постојат сончеви часовници - за нивно проектирање е потребно само малку математика (има само една формула!) и малку повеќе имагинација. Живееме во држава чиј симбол е Сонцето, а никој досега не се сетил да направи сончев часовник!? Зарем има малку празни ѕидови (и плоштади)? Радува веста дека се подготвува поставување на сончев часовник на ѕидот на Природонаучниот музеј во Скопје (до Зоолошката градина). Во ЕМИТЕР 10/2003 ви претставивме една конструкција на хоризонтален сончев часовник ("Македонија") со оригинален и, се надевам, интересен дизајн. Овој текст е наменет за сите оние кои сакаат сами да проектираат хоризонален сончев часовник, со дизајн по сопствен вкус.