Триодниот тиристор е четирислоен полупроводнички елемент со три електроди: анода, катода и управувачка електрода - гејт. Во поширока смисла, тиристорот е бистабилен прекинувач со регенеративен премин од непроводна во проводна состојба и обратно. Најчесто се користи во кола со наизменична струја како насочувач со контролирачки агол на водење, па се сретнува и под името SCR (Silicon Controled Rectifier - силициумски контролиран насочувач). Тиристорот води само во една насока (од анодата кон катодата), а вклучувањето се врши со импулси кои се доведуваат на гејтот. Во овој напис ќе се запознаеме со тиристорот како елемент и како тој се користи како прекинувач.