Во овој текст е прикажана изработката на пропански горилник со голема моќност. Горилниците со оваа моќност кои се наоѓаат во продавниците се изведени како горилници со кратка "глава" кои за разлика од овој горилник имаат помалку концентриран пламен и се далеку поскапи.
Горилникот работи по принцип на Бунзенов горилник. Горивниот гас истекува низ тесна млазница и преку отворите на цевката за мешање повлекува воздух. Со ова се формира горивна смеса која се забавува во "главата" на горилникот и гори надвор од неа. Со нагодување на отворите за воздух се нагодува најоптималната смеса горивен гас/воздух и со тоа се постигнува најоптимално согорување на гасот.