Многумина од нас сакаат да возат велосипед. За некои тоа е потреба, а за некои разонода. Во неколку наврати во ЕМИТЕР беа објавувани написи за разни мерни инструменти наменети за во автомобил. Тоа беа термометри, бројачи на вртежи за мотор, мерачи на состојбата на акумулаторот итн. Во овој број на ЕМИТЕР ќе стане збор за брзиномер, но тој ќе биде наменет за велосипед. Токму така! Со помош на овој брзиномер ќе можете да ја мерите брзината со која што се движите додека возите велосипед.