Емитер 12/2004.
Нарачајте го овој број или најавете се за да ја прочитате целата статија.
Покрај сауната, Финците на светот му подарија уште една убава и корисна работа - звучниците Genelec. Фирмата Genelec произведува квалитетни активни (со вградени засилувачи) студиски мониторски звучници. Професионалците во студијата многу често користат активни звучници - тие се компактни и добро прилегаат зад големиот тонски микс-пулт. Ваквите звучници се приклучуваат директно на излезот од микс-пултот. Студиските мониторски звучници мораат да имаат чист, неутрален и природен звук - што подразбира цена соодветна на високиот квалитет.
Новата серија 8000 на Genelec носи подобрувања во однос на старата серија 1000, која и онака беше одлична. За квалитетот на старата серија можам да посведочам од прва рака, бидејќи на моето работно место секојдневно ги користам звучниците Genelec 1030A. Зарем е можно да се подобрат?!
Според тврдењата на Genelec - да! Новата серија 8000 има нови високотонци и бас/среднотонци со помали нелинеарни изобличувања, а новата конструкција на бас-рефлекс цевката ја елиминира компресијата при погласна репродукција на музичкиот материјал. Звучната кутија целосно е изработена од елоксиран алуминиум (старата беше од медиапан), со што практично се избегнати непожелните резонанции од самата звучна кутија, кои инаку би ја намалиле дефиницијата на репродуцираниот звук. Негативните последици на дифракцијата на звучниот бран на рабовите од звучната кутија значително се намалени со заоблените рабови.
Серијата 8000 се состои од три модели: 8030A, 8040A и 8050A.
Ова е само дел од статијата која во целост е објавена во Емитер 12/2004. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.