Широкопојасната конекција за интернет е застапена кај голем број на корисници, овозможувајќи пристап до бараните содржини со големи брзини. Со оглед на зголемениот број на домашни корисници кои имаат потреба за делење на интернет конекцијата во својот дом, потребата од рутер се наметнува како логично решение. Стандарден рутер би можел да биде соодветно решение за оваа работа, но на тој начин би останале без некои дополнителни можности кои ги нудат high-end рутерите. Fritzbox Fon WLan 7270, наспроти неговиот скромен изглед, претставува рутер со изненадувачки многу можности, со што ќе ги задоволи вкусовите на сите кои бараат врвен квалитет при вмрежување и интернет телефонија.