Во период од годината кога светската информатичка јавност е разбранувана од ИТ настани од калибарот на ЦеБит, каде што посетителите можат да се запознаат со најновите технолошки достигнувања во информатичката технологија, од 19 до 23 април се одржа овогодишното издание на најголемиот ИТ-настан во Македонија - Инфоком 2005. И додека за манифестациите кои се одвиваат "на запад" постои огромна заинтересираност (најдобар факт е површината на целокупниот излагачки простор, која може да достигне и колку едно мало гратче), македонската верзија на Саем за информатичка технологија оваа година беше сместена во "рекордни" две хали.