Некогашниот британски премиер Винстон Черчил своевремено рекол дека клучот за европскиот мир лежи во престанокот на ривалството помеѓу Галите (Французите) и Тевтоните (Германците). Взаемното помирување, почитување и помагање меѓу европските ривали по Втората светска војна доведе не само до создавање на траен мир, туку до создавање на заедничка татковина и почеток на заеднички вложувања кои резултираа со европски концерни кои ги засенија најмоќните национални економии како оние на САД, Јапонија и неколку други земји. Најновото чедо на европското "братство и единство" е гигантскиот патнички авион Ербас А-380, кој во освојувањето на светското небо на долги дестинации стана реална закана за својот веќе застарен конкурент Боинг-овиот 747 Џамбо-Џет.