Името на Никола Тесла најчесто се врзува за неговите пронајдоци во областа на јаките струи - денешниот наизменичен (AC) електричен систем. Но тој е пионер и во сферата на високофреквентните струи, радиоврските, телемеханиката и други области во електротехниката. Освен тоа, тој бил визионер и на многу други, како радарот, интерпланетарните комуникации и др. Оваа година се навршуваат 150 години од неговото раѓање. По тој повод го објавуваме овој напис за делото на Тесла, а во наредните броеви на ЕМИТЕР ќе објавиме и други написи меѓу кои и проект за самоградба на Теслин трансформатор во две верзии. Во таа насока ги повикуваме и сите познавачи на животот и делото на Никола Тесла да дадат свој придонес во оваа наша серија написи со што ќе се фрли повеќе светлина врз неговите пронајдоци и визионерски идеи.