Идејата за самостојно склопување на PC (персонален компјутер), веројатно на некој ќе му изгледа како добро решение. Тоа е начин да се склопи "машина" која ќе има перформанси какви ќе посакаме, и која нормално ќе нé чини колку што можеме да си дозволиме. Некој, претпоставувам повеќето, сепак, ќе се одлучат за посигурната варијанта, односно да набават готова конфигурација. Едноставно, гаранцијата и веќе тестираната конфигурација, имаат големо влијание за ваквиот избор. Како и да е, прво нешто на што треба да се обрати внимание, без разлика која варијанта ќе ја одберете, е изборот на матична плоча. Но, денес тоа не е така лесна работа. Како и да е, од тој избор ќе зависи и изборот на многу други компоненти.