Често пати ми се случува да ми се јави некој пријател кој има проблеми со компјутерот и кој е убеден дека сето тоа може да се реши со разговор преку телефон или во најдобар случај со совети испратени преку познатиот Windows Messenger. Во некои ситуации овој начин на комуникација навистина ќе помогне, особено ако се работи за мали проблеми и што е уште поважно, ако од другата страна се наоѓа некој кој има "какво такво" познавање од Windows оперативните системи. Проблемот се јавува тогаш кога оној кој бара помош има скромни познавања од проблематиката и кога секој чекор мора до детали да се објаснува. Затоа во таква ситуација најлесно е да се искористи вградената алатка на Windows едноставно наречена Remote Control.