Иако е направен голем напредок во нивниот развој, сепак, мобилните телефони (се разбира, мислам на оние со вградена камера) сé уште не успеваат комплетно да ги истиснат од употреба дигиталните фотоапарати од пониската класа. Но, не верувам дека ќе треба да помине уште којзнае колку време за тоа да се случи. Појавата на првите телефони со вградена камера со резолуција од 2 мегапиксели и автоматско фокусирање, а од неодамна и на неколку модели со дури 5 мегапикселна камера, секако се најдобар предзнак дека овде не станува збор за мобилни телефони со камера, туку за дигитални фотоапарати преку кои можете да се јавувате . Во овој напис ќе направиме споредба меѓу петте мобилни телефони кои имаат најдобри дигитални камери.