Техниката за некого претставува неопходен или своевиден "петти елемент", а за други, пак, задоволување на суетата да се има поголем ТВ-приемник од комшијата . И едната и другата категорија на корисници нормално сака да биде информирана за тоа "кој е последниот крик на технологијата". Информативни написи можат да се најдат во списанијата од типот на ЕМИТЕР, но друго е кога "во живо" ќе го видите производот и сами ќе дадете оцена за неговите карактеристики. За таа цел тука се информативните панаѓури или популарно наречени саеми, од типот на Инфоком. Но, како што е општо познато, саемите баш и не просперираат на наша територија, па корисниците кои сакаат да се во тек пожелно би било да посетуваат ИТ-саеми во соседството или "на запад". За оние кои не можат тоа да си го дозволат, го подготвивме овој напис во кој ви ги претставуваме најпопуларните, а воедно и најголемите саеми за техника кои се оддржуваат секоја година.