Одамна е поминато времето кога ориентацијата низ просторот се правела според распоредот на ѕвездите. Ако до пред неколу години беше потребна обука за читање на ознаките по картите и умешност при ориентацијата со компас, во денешно време процедурата на навигација е значително олеснета со користење на GPS уредите. Иако мрежата од сателити, пред сé, е создадена за воени цели, во последните неколку години таа наоѓа и масовна комерцијална употреба. Сигурно се прашувате кои се условите еден "обичен смртник" да ја користи оваа технологија? Плаќањето на висока претплата сигурно прво ви паѓа на памет, но единствениот услов е набавка на GPS уред.