Влезно/излезните портови се мошне важен дел од персоналниот компјутер (PC) и тие служат за поврзување на различните електронски уреди со вашиот компјутер. До скоро време различните компјутерски компоненти можеа да се поврзуваат исклучиво само преку одредени портови:
• екстерните (надворешни) модеми или некои модели на PC-глувчиња комуницираа со компјутерот ореку серискиот порт;
• портото за тастатура (AT keyboard port) го користеше само тастатурата;
• некои модели на глувчиња и тастатури можеа да се поврзуваат само преку PS/2 портот.

Во поново време, овие различни типови на портови, кои им задаваа големи главоболки на корисниците, се потиснуваат од популарниот USB. Така, можеме да слушнеме дека најразлични уреди, почнувајќи од екстерни модеми, екстерни дискови, скенери, печатачи, глувчиња, тастатури, па сè до дигитални камери и мобилни апарати го користата популарниот USB.
Се чини дека PC-компаниите конечно престанаа со инаетењето и пристапија кон користење на заеднички и универзален сериски порт, т.е. USB. За оние љубопитните кои сакаат да научат нешто повеќе за PC портовите и информациите што се испраќаат/примаат на нивните соодветни пинови – продолжете со читање на овој напис.

Концептот на сериската комуникација е следниов: Трансферот на податоците од испраќачот до примачот се врши бит по бит во единица време. Серискиот порт зема 8, 16 или 32 паралелни битови од PC магистралата и ги конвертира во 8, 16 или 32-битни сериски низи. Името сериска комуникација доаќа оттаму што секој бит на информација се пренесува во серија од една локација до друга. Едни од најраспространетите портови чиј метод на пренос е сериски се RS-232 и Universal Serial Bus (USB).