Од овој број на Емитер започнуваме со нов серијал во рамките на Школата за фотографија – работа во светлата комора, односно обработка на фотографиите во соодветните програми за таа намена. За разлика од првите 7 продолженија на оваа школа, кои беа првенствено наменети да се направи вовед во основите на фотографијата, односно доста воопштени; школата ја продолжуваме со анализа на најчесто користените техники за обработка на фотографиите, и тоа со конкретни примери. Примерите ќе бидат обработени во Adobe Photoshop CS2, што апсолутно не значи дека истите "ефекти" не можете да ги постигнете во други програми за оваа намена. Се разбира, во другите програми, распределбата на "менијата" ќе биде поинаква, па дури и истите операции можат да имаат други имиња, што за "компјутерџиите" не би требало да претставува некој особен проблем! Сепак, ова не е почетен курс за користење на Photoshop!