Емитер 207 - 12/2024.
Нарачајте го овој број или најавете се за да ја прочитате целата статија.
Изработката на совршен аудиозасилувач е сон на речиси секој аудиофил-електроничар. А потрагата по совршенството, од првите обиди за изработка до креирањето засилувач со одлични карактеристики, стокмен и спастрен да работи беспрекорно, секако дека не е без предизвици. Но, учењето од грешките и истрајноста да се постигне конечната цел секако е формула за успех и врвно постигнување, во случајов “расен” хај-фај примерок во облик на аудиозасилувачот Крешендо Милениум Едишн.
Отсекогаш сум посакувал да изработам аудиозасилувач. Три обиди во период од 35 години.
Прв обид во декадата на осумдесеттите, за мене најдобрата декада во светот на музичката продукција. Шема не знам од каде, печатена плочка пертинакс што едвај ќе ја најдеш, продавници – Искра, Еи Ниш, Радио Бран. Толку. Се состави проектот некако, сѐ на маса, жици на сите страни. А вклучувањето е посебен чин составен од двајца актери. Едниот покрај продужниот кабел и вториот набљудува од горе: “Пали!... Гаси, гаси, гаси!.. – Грее!!!” Поблиску беше до грејно тело отколку до засилувач.
На вториот обид се сеќавам малку повеќе. Не дека беше кон крајот на 90-тите туку по тоа што еден пријател ми даде готови печатени плочки од првата мосфет изведба на Крешендо објавено во Електор(1984). Единствената разлика ако споредам со првиот проект е тоа што компоненти се наоѓаа полесно. Кутија повторно нема. И... остана така – пак недовршено.
Април 2001 година, го листам Електор и го читам написот за редизајнирано Крешендо милениумска едиција, каде објаснува за отклонувањето на сите аномалии и недостатоци од претходната верзија, компонентите заменети со тековни, додаден софт стартап модул, модул за заштита на звучниците во случај на преоптоварување и ДЦ заштита... Ги порачав плочките од сервисот на Електор, но составувањето почека троа.
Ноември 2016 бев цврсто решен да го почнам и да го завршам проектот. Неколку месеци траеше процесот на собирање на сите потребни компоненти. Додека не пристигна сѐ, па во февруари 2017 година да тргне составувањето...
Ова е само дел од статијата која во целост е објавена во Емитер 207 - 12/2024. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.