Вака, прекубројноста на интересни ем добри СФ филмови и серии е толкава што бара не пишанка туку логореја во живо, подкаст од 120 минути без пауза и нема да се доискажам, но правам компромис за читателската публика која е понак­лонета кон научното одошто кон фантастиката, затоа повторно за погоре спомнатата серијата.

Ронлд Д. Мур е еден од креаторите, човекот кој стои зад куп проекти на Стар Трек, но и на првата СФ серија која ги издигна границите и нормите над сè дотогаш видено – Бетл­стар Галактика – секако, втората инкарнација, да не се лажеме – ремек дело! Така и оваа серија, за која Дизни плус фрли фургони пари, ја направи филмски во актерски и кинема­тографски смисол, не наликува на серија туку на филм... но, некако чуден игран филм, како да е базиран на докуметарни. Имено, овде и нема фантазија, засега 90% е наука (јееј за вас нердови), а останатото е алтернативна историја, како, на пример, во “Човек во високиот замок” на Хаксли. Да, не смеете да пропуштите ова ни за жива глава, како една од најамбициозните серии досега. Наука, наука, наука, али многу и ЛГБТ, црнечки права, геј, итн., итн. – она што е денес медиумски тренд, па се голта, стиснеш заби и гледај како русите први слетале на Месечината, па америте се потат како први до Марс, оти политички ни тогаш ни сега не било за добро на човештвото ниту просперитет на науката, туку и за политич­ки чалам, кој е појак, на кој му е поголем... ракетодромот, накратко – најтопло пре­порач­ливо, со одлична драма, сценарио, ликови, секако и неиз­бежната јуесеј пропаганда.

Ако чекавте сувопарна ре­цен­зија, демек професионална, молам земете си дезифициенс, оти тоа не сум ниту сум не­когаш бил, а ако ви се слоши, па Дра­ма­мин препорачувам. А сега, мојот себичен избор на секаква можна СФ-жанровска серија и филмови кои просто се лектира за овој милениум.