Поголемиот дел од времето сè по­веќе го поминуваме покрај нашите ком­пјутерски единици. Несомнено, во оваа група се гледам и себеси, бидејќи покрај обврските што ги имам во текот на ден­от надвор од мојот дом, речиси ¼ од времето кога сум дома го поминувам покрај компјутерот. Додека работам, секогаш слушам некоја музика којашто, се разбира, никогаш не е гласна, но сепак постојано е присутна покрај мене. Покрај масата имав стари активни мали звучници кои не заземаа многу простор, но и не звучеа добро. Всушност, во прво време ми служеа за информативни цели, да се слушне некоја порака на YouTube, или некој новинарски прилог, чиј линк залетал во моето електронско поштен­ско сандаче. Но, со текот на времето се појавија многу радиостаници чии стри­мови можат да се слушаат преку интер­нет, па така постојано наоѓав нова ста­ни­ца чиј избор на музика почнуваше сè повеќе да ми се допаѓа. Како помину­ваше времето слушајќи ги радиоста­ници­те, сè повеќе почна да ми пречи лошиот и фреквентно ограничен тон кој доаѓаше низ малите активни звучници на мојата маса. Така решив да одвојам дел од времето во конструкција на фи­зич­ки мал и не многу моќен аудио­за­силувач.

Поглед во внатрешноста на изработениот мал PC QUAD засилувач

Засилувачот е изработен во QUAD (4-канална) изведба за да можам да приклучам втор пар на звучници и во друга просторија. Двата стереозасилувачи имаат посебни потенциометри за Volume со што може да се нагоди различна јачина на звукот во двете простории.