Водењето бизнис, од која било вели­чина, без брз и стабилен интернет со одлична жичена и безжична мрежа, е незамисливо денес. Тоа е исто како да се обидувате да живеете без струја или без вода. Интернетот и брзата конекција се витални за сите бизниси и тоа е при­чи­на­та зошто безжичниот рутер наменет за приватните корисници повеќе не е соодветен за друга дејност, освен за хонорарците што работат од дома.  Ако бизнисот има повеќе од една локација, ќе биде потребна цврста мрежа, која на вработените, на корисниците и на посе­ти­телите им нуди лесен пристап до ста­билен интернет.

Методот на одржување безжични мрежи базиран на облак овозможува интернет-мрежа во повеќе канцеларии и низа локации, без да се јави потреба да се испраќаат техничари за поставување или одржување на мрежата. Замислете дека имате можност да испратите без­жична пристапна точка или рутер до некоја нова канцеларија, а сè што треба да направат вработените е да го вклучат уредот во струја и за неколку минути да имаат целосно функционална и безбедна мрежа, која може да се менаџира и да се одржува од кој било крај на светот.

Благодарение на паметниот софтвер и врвниот инженеринг на мрежи, EnGenius сега нуди евтини решенија за безжично вмрежување коишто се бази­рани на облак, кои може да се постават и да се менаџираат речиси од целиот свет, од страна на секој кој има некакви познавања од ИТ.

Во овој напис ќе ги анализираме мреж­ни­от приклучок базиран на облак EnGenius ECS1112FP и Wi-Fi пристапната точка ECW230. Обете решенија се дизај­ни­рани така што софтверот, кој го кон­тролира пристапот до уредите и како тие функционираат, се поставува и се складира во сервер на облак.