Деновиве на интернет се појавија збунувачки информации во коишто се тврди дека научниците космолози евидентирале млаз настанат од судир на две супермасивни космички тела, млаз кој наводно се движел со брзина дури 4 пати поголема од брзината на светлината и во тој контекст е номиниран и термин “Superluminal motion” (супер-светлинско движење)! Дали е на повидок соборување на начелото од Ајнштајновата Теорија за релативитетот, начело според кое брзината на светлината во вакуум е апсолутна големина што не може да се пречекори? Објаснувањето следува во овој напис.