Порано, во изминатите години, производството на забни протези и имплантати се темелело на метода во која се земал отпечаток со користење на специјален восок. Оваа метода се смета дека е стара над 5000 години. Во восочната постапка стоматолозите се потпираат на профилирање на оштетениот заб (или заби) со внимателно следење на производни чекори и со макотрпна работа. Во текот на последната деценија, дигиталните алатки и технологии го скратија времето на изработка, ги поевтинија цените и им овозможија на забните лаборатории да изработуваат многу попрецизни модели.