Секој кога создава видеопроект, било да е тоа интервју, репортажа или фотографија, било да е аматер или режисер и продуцент на некој поголем проект, сака добиениот производ (видеозаписот) да биде што поквалитетен, односно да добие што повеќе во однос на вложеното во камерата со која снима. Истото важи и кога се снима за утврдување на некои факти, како што е дијагностицирање во медицината и во разни гранки на науката или во истражувачки цели. Но за да биде тоа така, мора да се вратиме чекор поназад, уште при набав-ката на камерата или апаратот, бидејќи важни се цената, брендот и дизајнот, но најбитен е квалитетот добиен во однос на потрошениот буџет. Од овие причини, треба да се знае што с# влијае на квалитетот на еден видеопроизвод. Сите што се занимаваат со оваа проблематика велат дека многу е важно да се поседува добра, квалитетна камера во која има вграден добар сликовен сензор, кој на македонски е преведен како фотоматрица, или сликосетилник!