Во современиот свет е реткост да се сретне човек кој не е болен. Да тргнеме од најобичните симптоми, како што се главоболка, умор, несоница, проблеми на низок или висок притисок и друго. Но овие симптоми многу често не се болест, туку се само предупредувања што ако ги игнорираме, ќе прераснат во потешки заболувања. Ќе си помисли човек: медицината толку напредувала, а сепак сме болни! Зошто?! Затоа што честопати не водиме доволно грижа за здравјето и си го уништуваме. Тогаш мора да земаме лекови и во нас се натрупуваат токсини. Но и лековитите билки можат многу да помогнат, па затоа денес сè почесто се свртуваме кон нив. Една од најдобрите билки, а особено најдобра кога е во прашање циркулацијата, запирање на крварењето, отстранување болка и друго, е лутата пиперка. Сигурно си го поставувате прашањето кој вид лута пиперка и во која мера треба да се консумира. Постојат повеќе видови, но најдобрите се оние најлутите, кои содржат над 100 000 HU (heat unit – единица на “лутост”). Можете да ги купите и оние што ги има на нашите пазари, но тие обично не се полути од 40 000 HU, што нема да биде доволно за да се дигне вашиот организам ако е во тешка здравствена состојба, иако за превентива се сосема добри.