Во системот за варење протеините се разградуваат на аминокиселини кои се многу битни за целиот организам, од кожата до крвните клетки и имунолошкиот систем, од создавање хормони до невротрансмитери. Постојат 23 вида аминокиселини. Осум од нив се познати како есенцијални и мораат да се внесат преку исхраната. Останатите 15 вида ги произведува самиот организам и се нарекуваат неесенцијални аминокиселини. Протеините во храната што ги осигуруваат есенцијалните аминокиселини се нарекуваат комплетни. Сите протеини од животинско потекло се комплетни. Ова не значи дека се добри само протеините добиени исклучиво од храна со животинско потекло, односно од месото.