Секојдневно сме опкружени со технички направи, машини и возила за секојдневна употреба и во т.н. нормални услови на нивно користење. Некако се привикнуваме на нив и ги сметаме за нормални по својата големина. Како би реагирале само на помислата за моторот на еден прекуокеански супертанкер со моќност од неколку MW, или за киперите во рудниците со површински коп, или за телескопските кранови со кои се поставуваат тешки конструкции на големи висини, како огромните ветерници за производство на електрична енергија? Или, што би помислиле за специјално разработените постапки и тешки и невообичаени машини и постројки со кои се градат огромните мостови кои се чуда на техниката, итн. итн. Ќе се сложите: сето ова предизвикува восхит и длабока почит. Текстот што следува ќе фрли малку светло на овие машини.