Иако во моментот кога влезе во оперативна употреба изгледало дека е решение кое ќе трае долго, крилото со променлив агол на стрелата во лет покажало и низа слабости: осетно зголемување на тежината, зголемена комплексност, поскапо и покомпликувано одржување, потреба од ротирачки носачи за бомби и ракети што дополнително ја зголемувале масата и комплексноста на авионот, поместувањето на аеродинамичкиот центар предизвикувало проблеми со центражата на авионот, намалена ефикасност на крилцата при максималниот агол на стрелата и појава на низа аеродинамички проблеми (интерференција) кои неповолно влијаеле на ефикасноста на хоризонталната опашка. Уште докрај неафирмираната трета генерација ловци се соочила со сериозна конкуренција – четвртата и петтата генерација авиони со фиксно крило.