Квалитетот на магнетните медиуми т.е. звукот кој подоцна се репродуцира, драстично се зголемил кога во 1941 година се вовела предмагнетизацијата со високофреквентно поле. Предмагнетизацијата со високофреквентно магнетно поле овозможува поширока АФК, поголем однос сигнал/шум (S/N) и помали изобличувања. Предмагнетизацијата се врши така што на главата за снимање, освен НФ сигналот (носител на информацијата), се доведува и ВФ сигнал со фреквенција од 60-120 KHz. Оваа струја за предмагнетизација (BIAS) потребно е да е со јачина од 10-15 mA. Јачината на струјата се менува според типот на лентата.
Проектот што ќе го прикажаме е генератор на струја за предмагнетизација кој е проектиран според потребите на едно студио кое има потреба за BIAS генетратор кој истовремено ќе напојува повеќе глави за снимање.