Со новите методи, како и со комбинација на класичните методи и новите биолошки лекови, на болните од рак ќе им се овозможи подолго да живеат, а карциномот да се третира како хронична болест. За разлика од пред деценија-две кога откривањето на ракот беше долготраен процес, медицината денес успева рано и во одредени случаи ефикасно да се справи со оваа болест. Најновите истражувања покажале дека преку крвта може да се открива ракот пред да се појават малигни клетки. Едноставно тестирање на крвта може да регистрира рак пет години пред самиот тумор да се формира. Ваквите тестови од следната година ќе бидат достапни во Британија, а потоа и во други земји во светот.