Проблемот со изворите за напојување е во ограничената примена како последица на нивните карактеристики. Секој што се занимава со практична електроника ќе признае дека изборот на прикладен извор за напојување, за точно одредено испитување воопшто не е лесна работа. Она што ни е неопходно е извор за напојување кој е комбинација на сите најчесто потребни напони и струи, симетрични или несиметрични, со соодветна заштита од преоптоварување. Лабораторискиот извор за напојување LPS - 95 става точка на сите овие проблеми. И покрај тоа што е составен од ефтини и лесно достапни компоненти во состојба е да ја даде максималната излезна струја од 5A и при мали излезни напони. Изворот има извонреден однос помеѓу цената и перфомансите.