Тековниот, мошне јавен судир меѓу Microsoft и истражувачот познат под псевдонимот Nightmare Eclipse доби ново продолжение со објавувањето на уште една zero-day ранливост во Windows.
Во вторникот истражувачот го објави SignDrop – ранливост што им овозможува на локалните корисници да стекнат SYSTEM-привилегии во одредени верзии на Windows. Ранливоста се наоѓа во Common Log File System (CLFS), системска компонента што Microsoft ја опишува како “услуга за општа намена за евидентирање”, која ја користат софтверски клиенти што работат во корисничкиот (user-mode) или во јадрениот режим (kernel-mode) на оперативниот систем. Со присилување на привилегиран процес како Windows Defender да отвори креиран CLFS контејнер, напаѓачот со обични кориснички права може да го злоупотреби привилегираното креирање на фајлови за стекнување поголеми привилегии на System.

Насочување на Windows-одбраната против самата себе
Нападот ја експлоатира интеракцијата на CLFS, Windows Defender и дозволите на Windows фајлови. Експлоитот го користи Windows Defender за да отвори лог фајл креиран од стандардниот корисник преку повикување на ServerMpUpdateEngineSignature, легитимна Defender функција за обработка на ажурирања на антивирусни сигнатури.
Со манипулирање со симболичките линкови на Windows Object Manager, напаѓачот предизвикува Defender да го отвори CLFS контејнерот во безбедносниот контекст на антималвер моторот. Ако недостасува поврзан датотечен фајл за аутентикација, CLFS го создава користејќи ги системските привилегии на Defender. Бидејќи CLFS ѝ ја доделува на новосоздадената датотека дискреционата контролна листа за пристап на оригиналната датотека, напаѓачот може да добие пристап до датотека креирана со системски привилегии, што овозможува операцијата за создавање датотека да се злоупотреби како дел од напад за ескалација на привилегии.
Иронично, ранливоста произлегува од безбедносна мерка што Microsoft ја воведе во октомври 2025 година, со цел да ги спречи напаѓачите да искористат други ранливости во CLFS.
„Ако сè е правилно поврзано, смешно е што ова легитимно безбедносно мерка може да се искористи против себе и да дозволи зголемување на привилегиите,“ напиша Nightmare Eclipse. „Сè е направено правилно од Microsoft овде, но логиката дозволува злоупотреба. Она што го прави ова уште посмешно е фактот што може да се искористи против кој било механизам за заштита од малициозен софтвер, со цел да се заобиколи неговиот систем за самозаштита (или заштита од неовластени измени). Имено, можно е да се предизвика креирање произволни датотеки во контекст на самиот процес на антималвер софтверот; така, од гледна точка на неговите драјвери во јадрото (kernel drivers), барањето за креирање датотека доаѓа од сопствениот, легитимен процес на софтверот, па затоа барањето се одобрува. Ова ја прави оваа ранливост уникатна, бидејќи може да се искористи за целосно исклучување на кој било антивирус или EDR систем.“
Nightmare Eclipse рече дека експлоитот работи против Windows 11 26H2, Windows 11 26H2 Experimental и Windows Server 2025 Experimental. Луѓето можат да проверат дали нивните системи се ранливи преку проверка на CLFS режимот на аутентификација. Ако е о режим на учење (learning mode) или режим на спроведување (enforcement mode), системот е ранлив, а PoC-то дадено во постот треба да отвори SYSTEM shell. Nightmare Eclipse објави и неколку други Windows zero-day ранливости во изминатите месеци.
Истражувачот Will Dormann во едно интервју вели дека успеал да го репродуцира експлоитот и дека работи како што е опишано, но не на сите верзии на Windows 11. Но, има “квака”, вели тој. „Барањата се важни, бидејќи изгледа дека потребен е Windows 26H2, и таков што постои повеќе од 90 дена, така изгледа,“ објасни тој. „Тоа значи дека не можете едноставно да земете нов систем со Windows 11 26H2, да инсталирате надградби и да работи.“
За еден систем да биде ранлив, вели Дорман, вредноста на HKEY_LOCAL_MACHINE\SYSTEM\CurrentControlSet\Services\CLFS\Authentication\Mode мора да биде 0 или 1. Од многуте машини што ги користи Дорман, само една го исполнувала овој услов.
Microsoft ги објавува ажурирањата за Windows, како што е 26H2, во фази, па затоа не е јасно колку луѓе веќе го имаат инсталирано. Можете да проверите со извршување на командата „winver“.
По објавувањето на сторијата од страна на ArsTechnica, од Microsoft соопштиле дека го истражуваат случајот и дека засега немаат докази оти ранливоста се искористува во реални напади. Компанијата додава дека Windows Defender ги блокира потенцијалните обиди за нејзино искористување.