Манифестацијата ја отвори директорот на GDi Скопје, Дејан Крстевски, кој ги поздрави присутните и истакна дека оваа година фокусот е ставен на практичната примена на дигиталните решенија во јавниот сектор и бизнисот, со цел да се подобри ефикасноста, транспарентноста и управувањето со ресурсите. Во рамките на настанот беа претставени најновите софтверски решенија на GDi, кои овозможуваат подобро управување со инфраструктурата, анализа на податоци и автоматизација на работните процеси. Посебен акцент беше ставен на дигитализацијата на електро дистрибутивните мрежи, водната инфраструктура, урбаното планирање и управувањето со јавните услуги, со цел да се одговорат на најважните прашања во секојдневното работење. Експерти од различни сектори споделија примери од пракса, вклучувајќи ги искуствата од Македонија и регионот, и ги презентираа резултатите од имплементацијата на GDi решенијата во различни индустрии.

Настанот исто така понуди можност за учесниците да се вклучат во дискусии за предизвиците и можностите на дигиталната трансформација, како и за идните чекори кои ќе овозможат побрза адаптација на новите технологии.