Кога ќе кажеме компјутер, нанотехнологија, батерија, мислиме нешто што е создадено пред неколку децении или најмногу сто години. Но, неколку археолошки артефакти и наоди, предмети изработени и градени пред стотици години, некои од нив и пред новата ера, поседуваат карактеристики за кои би сметале дека може да се постигнат само со користење на современата технологија и наука. Како тие биле создадени во некои случаи е сѐ уште мистерија – загатка што научниците се обидуваат да ја одгатнат...
Оние што пак сметаат дека во изработката на барем дел од артефактите свој прст (или пипка) вмешале некои древни вонземјани, им препорачуваме да ги препрочитаат серијалите Мистеријата наречена НЛО и Мистерии на науката. Во овие фељтони за мистерите на науката дебатираат најпознатиот македонски трагач по мистерии Стојмир Симјаноски и "дежурниот" скептик Владимир Филевски.