KAMAi MEDIA го организира првиот Саем на Македонската креативност – Мегдан, на којшто ќе бидат презентирани модерни, мултидисциплинарни и комерцијални проекти од областа на креативната индустрија – видео игри, визуелизации, 3Д симулации и едукативен софтвер, изработени во Македонија а наменети за странскиот пазар. Првото издание на Мегдан ќе се одржи овој викенд, 18 и 19 ноември, во Културно информативниот центар во Битола (Офицерски дом, Битола). Саемот ќе биде отворен во сабота и недела, од 10 часот наутро, па се до 23 часот вечерта.
Како што појаснува организаторот “Идејата е да се презентираат големиот број креативни, оригинални проекти кои се работат во Македонија, најмногу за младите и не-толку-младите креативци во Македонија да можат да видат што сѐ се работи овде, дома. И да се уништи стереотипот дека од 'уметност не се живее'”.
Презентирани ќе бидат проектите:
1. The Strange Story of Brian Fisher (mystery adventure за PC и конзоли)
2. Виртуелна тура низ Хераклеја Линкестис ( визуелизација во Виртуелна Реалност за Oculus Quest)
3. Angelic (multiplayer tactical turn-based RPG за PC)
4. Skopje (first person open world shooter за PC)
5. Wulfsbane (multiplayer social game за PC)
6. Raining Blobs (arcade puzzle game за PC)
7. Sonder (adventure game за PC)
Покрај овие проекти, посетителите ќе можат на лице место да ја пробаат „собата за бекство“ (Escape Room) посветена на играта "The Strange Story Of Brian Fisher" (проект во развој на KAMAi MEDIA и Intetic), а ќе се одржи и инженерска работилница за деца, со Лего коцки.
Собата за бекство е простор од 16 метри квадратни, изградена во реалноста а стилизирана да изгледа како простор од играта. Посетителите на саемот ќе можат да се обидат да ја решат загатката скриена низ разноразните реквизити поставени во собата. Самата поставка е направена како уметничко дело, при што е посветено големо внимание и на најмалите детали.
Секако ќе може да се проба и самата видео игра, која треба да стане достапна за PC и играчките конзоли до крајот на оваа година. За да видите за што се работи, може да го испробате бесплатно демото од играта, достапно за симнување на следниов линк The Strange Story Of Brian Fisher: Chapter 2 on Steam (steampowered.com)
Значи, забележете го датумот и времето и правец Офицерски дом, Битола.
