Вештачката интелигенција најнапред била обучувана со употреба на преку 1,4 милиони слики од речиси 16 000 различни извори. По "тренингот", алгоритмот се зафати со скенирање на ноќното небо, по што мошне бргу ја откри својата прва супернова, која до сега беше непозната.

Оваа иновативна методологија претставува огромен чекор нанапред во потрагата по космички експлозии. Новиот систем овозможува автоматизација на целиот процес, забрзувајќи ја работата на научниците и, што е мошне битно, надминувајќи ја можноста за човечка грешка. Детално, BTSBOT го користеше скенирањето започнато на 3 октомври 2023 година од страна на ZTF (Zwicky Transient Facility), роботска камера која го фотографира небото на северната хемисфера на секои два дена. Суперновата беше откриена на 5 октомври, а нејзиното откритие беше потврдена независно од ВИ во следните часови, по што беше и класифицирана врз основа на видот на експлозијата, а комплетен извештај беше достапен веќе на 7 октомври. Значи за само четири дена заврши целиот циклус на истражување. Процесот, вообичаено, на научниците од Калтек кои го користат ZTF, им одзема илјадници часови!

Зум на блесокот од супернова слика: National Science Foundation / Northwestern University

Се проценува дека астрономите досега откриле само мал дел од сите супернова присутни во универзумот. Објектите не се лесни за идентификување бидејќи бараат посотјано скенирање на ноќното небо во потрагата по нови извори на светлина. Помошта од вештачката интелигенција ќе им даде на научниците доволно време за анализа на откритијата и формирање на хипотези за потеклото на откриените космички експлозии. И конечно, ВИ ќе овозможи подетално проучување на животниот циклус на sвездите и галаксиите, би дознале повеќе и за постанокот на елементите, како јаглерод, железо и злато, кои се генерираат при овие процеси, а исто така би добиле и корисни информации за мерење на експанзијата на универзумот.