Манифестацијата “Денови на електротехника“, што ја отвори градоначалничката на Скопје, Данела Арсовска, има за цел да ја промовира електротехничката струка и средното стручно образование. „Деновите на електротехника“ траат од 2 до 6 мај. Финалето на натпреварот по физика се одржа во најсовремена лабораторија по електротехника со професионална опрема, а резултатите од натпреварот можете да ги погледнете тука. 

Во рамки на манифестацијата реализирана е и посета на хидроцентралата Матка и Изложбениот центар Матка – единствениот едукативен центар во Македонија што се занимава со енергетски теми. Во него посетителите, преку современи интерактивни методи, можеа да научат повеќе за електричната енергија, нејзината историја, производството, преносот и користењето.

Целта на манифестацијата “Денови на електротехниката” е промовирање на електротехничката струка и средното стручно образование. Токму затоа финалето на манифестацијата е планирано да заврши со Отворен ден, во сабота 6 мај, на којшто сите заинтересирани од 10 до 14 часот ќе можат да дознаат повеќе за Средното електротехничко училиште “Михајло Пупин” Скопје и образовните услови што ова школо ги нуди.