Според соопштението објавено од страна на Универзитетот за применети науки Граубуенден, пресметката направена со помош на суперкомпјутерот траела точно 108 дена и девет часа.

Според Центарот за анализа на податоци, визуелизација и симулација на универзитетот пресметката била направена за двојно побрзо време од она што му било потребно на еден од претходните рекордри – Google, кој во 2019 година ги правеше калкулациите користејќи го неговиот облак. Инаку, времетраењето на пресметките било 3,5 пати побрзо и од она на досегашниот светски рекорд од 2020 година.

Истражувачите очекуваат Гинисовата книга на рекорди да го потврди нивниот подвиг, а дотогаш ги откриваат само последните десет цифри од пресметката за π – 7817924264.

Претходниот светски рекордер во пресметка на π, успеа да пресмета 50 трилиони бројки зад децималната запирка.

Колку за потсетување, бројот π го претставува односот на обемот на кругот со неговиот дијаметар. По пресметката на соодносот, зад децималната запирка се добива ред со бесконечен број цифри. Веројатно и нема човек што не ја познава вредноста на најпопуларната апроксимација π = 3,14, а ‘поситничавите’ можеби ја знаат и со првите 10 бројки зад децималната запирка – 3,141592653.

Како и да е, истражувачите продолжуваат со допрецизирање на пресметките за константата  користејќи се помоќни и помоќни компјутери.

Од швајцарскиот тим изјавиле дека искуството стекнато при пресметување на π може да најде примена и во други области како “кај анализи на РНК, при симулации на динамиката на течности и во текстуалната анализа“.