Рубрика: Медицина
Ивермектин покажува високоефикасна профилакса кај здравствените работници
Автор: Марјан Божиновски
Објавено на 17.12.2020 - 11:45

Доктор Тарек Алам од Бангладеш ѝ стана познат на светската здравствена јавност уште во мај, кога одекна веста дека успешно излекувал 60 болни од ковид-19 со помош на комбинацијата од ивермектин и доксициклин. Подоцна, во август, на оваа терапевтска комбинација, проф. Бороди од Австралија го додаде цинкот и ја промовираше таканаречената тројна терапија. Тој издаде јавен повик до сите австралиски лекари по општа пракса да го контактираат на неговиот професионален имејл за да го добијат протоколот за ран третман и профилакса со тројната терапија

Вчера д-р Алам и неговиот тим објавија труд во European Journal of Medical and Health Sciences со наслов Ivermectin as Pre-exposure Prophylaxis for COVID-19 among Healthcare Providers in a Selected Tertiary Hospital in Dhaka – An Observational Study. Како што укажува насловот, ова е опсервациска студија во којашто испитаниците биле здравствени работници од терцијарна болница во градот Дака, во времетраење од четири месеци (мај – август 2020).

Вкупно 118 лекари, сестри и друг медицински персонал биле поделени во две групи ‒ експериментална (58 луѓе) и контролна (60 луѓе). Членовите на експерименталната група пиеле таблети ивермектин од 12 mg еднаш месечно, во текот на период од 4 месеци.

Резултатите се очекувани, имајќи ги предвид претходните студии од други светски центри.

Контролна група: 44 од 60 субјекти (73,3%) се заразиле со SARS-CoV-2.

Експериментална група: 4 од 58 субјекти (6,9%) се заразиле со SARS-CoV-2.

Разликата е статистички значајна бидејќи p-вредноста е многу помала од 5%.

Слика 1. Демографскиот профил на сите 118 субјекти

Интересно е да се види каква била стапката на инфекции според возрасни подгрупи за контролната група (слика 2) и за експерименталната група (слика 3). Се забележува дека во контролната група, најмладата и најстарата возрасна подгрупа имаат најголема стапка на инфицирани.

Релативниот ризик се пресметува како однос меѓу стапките на инфекции во експерименталната и во контролната група. За оваа студија, релативниот ризик изнесува 9%. Ефикасноста на профилактичната терапија се пресметува како разлика од 100% и релативниот ризик. Така, ефикасноста на профилаксата со ивермектин добива вредност од 91%. Ова е мошне високо ниво на заштита и е споредливо со ефикасностите на вакцините на Pfizer и Moderna од 95% и 94%, соодветно.

Доказите акумулирани досега од повеќе од 25 студии темелно рецензирани во трудот на американската алијанса FLCCC ја демонстрираат високата ефикасност на ивермектинот како профилакса, како ран третман и како болничка терапија.

Слика 2. Стапката на инфекции според возрасни подгрупи за контролната група

Слика 3. Стапката на инфекции според возрасни подгрупи за експерименталната група

 

 

Клучни зборови:
Слика 1. Демографскиот профил на сите 118 субјекти

Слика 1. Демографскиот профил на сите 118 субјекти

Слика 2. Стапката на инфекции според возрасни подгрупи за контролната група

Слика 2. Стапката на инфекции според возрасни подгрупи за контролната група