Како што открива магазинот Science во ова нивно видео, две неодамнешни истражувања посветени на комплексноста на мозокот на птиците укажуваат на тоа дека нашите пердувести пријатели се способни дури и за свесно размислување.

Оваа способност веројатно се должи на тоа што и покрај малата големина, нивниот мозок е испреплетен со огромен број неврони, приближно ист број како и кај некои видови мајмуни. Густината на оваа мрежа е особено забележлива во мозочните области наменети за повисоко ниво на размислување. Како што откриваат истражувањата за структурата и начинот на негово функционирање, птичјиот мозок се чини дека е организиран слично на мозокот на цицачите.
За повеќе детали проследете го видеото подолу.  

П. С. * За тие што не го владеат англискиот јазик, каналот нуди опција за автоматски, машински превод на видеото. Процедурата за вклучување е следна – кликнете врз иконата Settings, запченикот во долниот десен агол, и изберете ја опцијата Subtitles/CC. По ова изберете Auto-translate и од листата со понудени јазици изберете Macedonian.