Дронот е “паркиран“ во куќиште кое истовремено служи за напојување, а кога алармниот систем ќе детектира непозната личност во куќата, полетува кон несаканиот гостин, го снима и го пренесува видеото во cloud во реално време. Снимката се упатува директно на екранот од паметниот телефон, таблетот или до лаптопот на сопственикот. Целиот процес е демонстриран на видеото подолу.

Пред инсталирање на дронот корисникот може да се одреди со кој ритам и каде дронот ќе се движи, со цел да се осигура приватноста, доколку сакате да заобиколи одредени локации. Со дронот не може да се управува рачно, а од Ring тврдат дека системот за автономен лет и за избегнување препреки му овозможува безбедно движење низ внатрешноста од куќата или станот.

Иако ова нам ни делува помалку бизарно, веруваме дека и Always Home Cam дронот ќе најде пазар. Засега сè уште не е познато е кога точно ќе започне неговата продажба и по која цена. Којзнае, можеби еден ден ваквите дронови ќе ги опремат и со пиштол со стрелички за успивање, со што ќе станат вистински летечки чувари.