Како што добро знаете, Adobe потврди дека Flash Player ќе биде службено “пензиониран“ на 31 декември 2021 година. Ова значи дека за него повеќе нема да се издаваат безбедносни заштити и други надградби. Покрај ова беше потврдено дека при префрлањето кон новиот стандард HTML5, Adobe ќе соработува со партнерите, меѓу кои е и компанијата Мајкрософт.
На блогот на Мајкрософт, програмската менаџерка Сучита Гопинат објави текст во којшто се појаснува начинот на којшто Microsoft ќе го “убие“ Flash Player во своите апликации. Процедурата ќе биде следна:
Internet Explorer и Edge од декември повеќе нема да добиваат безбедносни надградби, додека во верзијата Edge Chromium поддршката ќе биде блокирана од јануари следната година.
Сучита вели дека надградбата под име Update for Removal of Adobe Flash Player ќе може да се оствари преку функциите на Microsoft Update Catalog, Windows Update и WSUS, кои трајно ќе го отстранат Adobe Flash Player како компонентна од Windows OS уредите. Гопинат дополнува дека ако сакате да го отстраните Adobe Flash Player од своите системи пред крајот на поддршката, тоа ќе можете да го сторите уште оваа есен, со преземање на Microsoft Uddate Catalog.
Надградбата ќе биде достапна како опција во Windows Update и WSUS во почетокот на 2021 година и ќе биде препорачувана и неколку месеци подоцна. Треба да се знае дека оваа надградба е трајна и нема да може да се деинсталира.
