Приказната е за детективот Брајан Фишер, кој е во потрага по неговиот исчезнат татко, а неговата животна мисија е да го пронајде жив. Таткото на Брајан е научник кој исчезнува под сомнителни околности, непосредно пред да го претстави неговото откритие коешто е од огромна важност за човештвото. Брајан го посветува својот живот да открие зошто и како исчезнал неговиот татко. Прогонуван од непознат човек, кој сака да го украде откритието од неговиот татко за да владее со светот, Брајан го претставува клучот за ова откритие. Заробен е на место од кое очајно се обидува да избега, користејќи ја својата креативност, својот ум, алатките што може да ги најде и обуката од неговиот татко. Целата приказна во играта е раскажана од Брајан.

Се работи за игра каде решавањето на мистеријата ќе ја подигне вашата креативност, ќе го ангажира вашиот ум и ќе ве натера да размислувате надвор од границите на нормалното.

Од Intetic најавуваат дека првото поглавје од играта, The Strange Story Of Brian Fisher – Chapter 1, ќе стане достапно на Steam во првиот квартал од 2020 година. Планирано е играта да има вкупно седум поглавја.

Минатата недела Intetic го објави и првиот трејлер, кој навистина изгледа одлично од визуелен и музички аспект, приближувајќи се со квалитет до познатите светски брендови.

Повеќе информации за играта може да добиете на веб-страната на Intetic (тука)

Трејлерот за играта може да го проследите подолу