Samsung Electronics Co. Ltd., светскиот лидер во развиени мемориски технологии, објави дека започна со масовно производство на првиот индустриски 12-gigabit (Gb) LPDDR5 мобилен DRAM, кој е оптимизиран за подобрување на 5G и Вештачката интелигенција во идните смартфони. Новата мобилна меморија доаѓа само 5 месеци по најавата на масовната продукција на 12GB LPDDR4X, целосно зацврстувајќи ја премиум линијата на меморија на компанијата. Самсунг планира да започне со масовно производство на 12 гигабитни (GB) LPDDR5 пакети кон крајот на месецот. Секој пакет вклучува осум од 12-те Gb чипови, по барање на растечката потреба на смартфони со повисоки перформанси и капацитети од премиум произведувачите на смартфони.
Благодарение тоа што во индустријата ги имаат најдобрите брзини и енергетска ефикасност, новиот мобилен DRAM на Самсунг може да им помогне на најдобрите смартфони од следната генерација целосно да ги искористат капацитетите на 5G и вештачката интелигенција како снимањето со ултрависока резолуција на видео и машинското учење, зголемувајќи го животот на батеријата.
Со податочна стапка од 5500 megabits per second (Mb/s), 12Gb LPDDR5 е околу 1,3 пати побрз од претходните мобилни мемории (LPDDR4X, 4266Mb/s) кои може да се најдат во денешните најдобри смартфони. Во пакет од 12GB, LPDDR5 може да пренесе 44GB на податоци, или 12 целосно HD филмови (со големина од 3,7GB), за само 1 секунда. Новиот чип користи до 30% помалку енергија за разлика од неговите претходници интегрирајќи нов дизајн на колата со подобрени брзини, тренинг и ниско потрошувачки карактеристики кои гарантираат стабилни перформанси дури кога работат со многу големи брзини.
Со цел производствениот капацитет подобро да се менаџира и со повеќе флексибилност, Самсунг размислува за пренесување на производството на 12Gb LPDDR5 на својот Pyeongtaek кампус во Кореа наредната година, зависно од побарувачката од глобалните потрошувачи. По претставувањето на 12Gb LPDDR5 мобилен DRAM, Самсунг очекува да се развие и 16Gb LPDDR5 наредната година, со цел да го зацврсти конкурентната предност на глобалниот пазар за меморија.
